DHARMAWACANA KAJENG KLIWON

KAJENG KLIWON

                                        

Matur suksma antuk galah sane kapicen ring dewek titiang

Inggih, nawegang majeng ring Bapak Dosen sane banget wangiang titiang,

Lan para mahasisya sane tresna asihin titiang.

Pinih ajeng titiang jagi ngiring nincapang rasa angayu bahagia ring Ida Sang Hyang Whidi Wasa duaning sangkaning pasuecan Ida, titiang sareng ida dane praside memangguh kerahayuan sekadi mangkin, antuk punika titiang lugrayang panganjali umat.

Om Swastyastu,

Rasa angayu bahagia kapice galah antuk ngelanturang dharma wacana, ngenenin parindikan “Kajeng Kliwon”. Sane sampun lumrah kauningin, rerainan niki kapinget ring limolas dina. Dina niki tuah patemuan ring tri wara sane mewasta kajeng lan pancawara kliwon. Kajeng kliwon niki nampek ring dewa yadnya, krana kaatur ring Ida Sang Hyang Whidi Wasa. Umat hindu percaya, rikala korban suci niki kelanturang antuk para dewa, yakti para dewa jagi ngelindungin umatnyane.

Ida dane sareng sami,

Sane kapuja ring kajeng kliwon wantah bhatara siwa, krane bhatara siwa ring dina niki masemedi. Selanturnyane hari niki kapercaye lumrah mijilnyane para bhuta, ngepanggih manusa sane nenten melaksana dharma. Kajeng kliwon wenten sane mamuja antuk Durga dewi. Wenten pamujaan ring para bhuta, miwah Sang Bhuta Bucari, Sang Kala Bucari, lan Sang Durgha Bucari.

Ida dane sane wangiang titiang,

Antuk sarana sane keanggen ring dina kajeng kliwon niki pateh ring dina kliwon sane lianan, nanging segehannyane misi segehan panca warna, inggih punika: warna putih, barak, selem, kuning, lan brumbun. Tetabuhannyanne arak utawi arak berem. Di ambang lebuh nike keatur canang burat wangi lan canang yasa. Persembahan niki wantah antuh Durga dewi, nanging sane keatur ring tanah nike antuk Sang Bhuta Bucari, Sang Kala Bucari, lan Sang Durgha Bucari.

Ida dane mekesamian,

Kajeng kliwon niki tenget, napi mawinan? Krane dina niki lumrah ring masyarakat keanggen antuk melaksana aji ugig, napi nike leak, desti lan lianan. Di Bali ilmu ugig niki kauripang ring dina kajeng kliwon niki, krana dina niki kapercaya para bhuta mekesamian nampek.

Inggih ida dane, wantah asapunika presida antuk titiang nartayang
indik Kajeng Kliwon sane pinaka dasar mangda umat presida mulat sarira
tur ngewerdiang yadnya. Yening prade wenten atur titiang sane
tan manut, titiang nunas geng rna pangampura. Atur titiang kasineb antuk parama santih.

“Om Santih Santih Santih Om”.